USULAN MANUKA NAN MAMBAWOK SANG SOKO JO TUAH NAN BALEGA

 Assalamu'alaikum waroh matullohi wabarokaatuh.

 

Mintak izin Jo rela ambo ka Rajo KA IV suku Sambilan Jo Caniago saroto mamak pangulu ² nan basamo.

 

Saolun karojo team panyalosai masalah ka bakarojo, saolun Musrembang 2006 ka Babahas, maubah nan lah ta tulih , manambah poin nan mungkin di raso kurang saolun Musrembang 2006 manjadi alua nan baturuk/ aturan nan ka di pakai....Tapi nak orek pocik adat , nak Batuah Kito nan mangakok karojo, Ijan adat bakucindan nan tapakai ,sahinggo angek² cik ayam Kito dalam bakarojo , Jan Pulo sajojak sangketo tumbuah ,Katiko kami bakarojo sebagai team nan lah basusun sabulan nan lewat , dek ambo Ado nan takilan di hati, nan tobik di kiro kiro.

 

MALIEK UNDANGAN JO YANG DATANG AMBO MARASO MALU SOBAB UNDANGAN TU WAJIB KITO HADIRI, KO NAMPAKNYO BANYAK NAN ADO FARDU AIN, SAGINGGO KAMULIAAN MANGHADIRI UNDANGAN DI SAPELEAN, ATAU UNDANGAN KA IV SUKU KO NAN INDAK SASUAI JO ADAT NAN BAPAKAI.

 

KINI AMBO MAMOHON KAPADO  KA IV SUKU UNTUAK MA ULANG UNDANGAN SASUAI ADAT KOTO BARU SIMALONGGANG, NAN DI UNDANG ADOLAH PANGULU SAROTO PANGIRIANG, NAN JADI PANGIRIANG PANGULU ADOLAH NAN BIASO KITO SOBUK SOBUK " ELOK NAGORI DEK PANGULU, RANCAK KAMPUANG DEK NAN TUO , SALOSAI KAROJO DEK DUBALANG, RANCAK TOPIAN DEK NAN MUDO, SUMARAK KAMPUANG DEK BUNDO KANDUANG,

 

JADI NAN BAUNDANG SASUAI ADAT ADOLAH PANGULU KAMPUANG JO PANGIRIANG NAN ADO, BULIAH DATANG KA LIMBAGO RAPEK KA SADOANNYO ATAU SURANG BADUO, SASUAI ADAT NAN BAPAKAI, " NAN POI JO RUNDIANGAN, NAN TINGGA JO MUPOKAT,

 

ISI UNDANGAN MASALAH ADAT KITO , NAN PARTAMO  MASALAH ADAT NAN KEWI, SYARAK NAN LAZIM, JO UNDANG NAN BALIKIH.

 

NAN MAUNDANG , BIASONYO KA IV SUKU SAJO, KINI KITO TAMBAH JO PAMANGKU ADAT NAGORI, URANG NAN KITO BORI SANGSOKO NAGORI, SARUPO DUBALANG NAGORI, OMPEK JINIH, CODIAK  PANDAI, TUO BARAKA , SAROTO MUDO NAN TANAMO,

 

MUDO NAN TANAMO KO PAROLU KITO BUEK MAK ,SALAIN MAIKUTI ADAT , RANCAK TOPIAN DEK NAN MUDO , MANJADI NYATO , INDAK KITO SOBUK SOBUK SAJO,

 

LAIN DARI ITU NAN MUDO KO PAROLU DEK KITO , KATIKO MAROMPAK PAGA ADAT JAHILIAH NAN BADIRI DI KAMPUANG KITO, SASUAI JO ADAT KOTO BARU SIMALONGGANG, " TIBO DI ADAT JAHILIYAH NAN BADIRI BICARO PULANG KA NAN MUDO, NAN BATULANG KUEK, BATALINGO NYORIANG, NAN TAU DI BAYANG KATO SAMPAI, , 

 

SALANJUTNYO UNDANGAN NAN PAROLU DI BUEK KA IV SUKU SAROTO PAMANGKU ADAT NAGORI DI JORONG TOBEK PANJANG KO  ADOLAH UNDANGAN KA PANGULU SAROTO PANGIRIANG UNTUAK MANG HADIRI , MARAMAIKAN , MEMERIAHKAN WIRID PANGAJIAN DI SURAU , MUSOLA  JO MASOJIK - MASOJIK KITO, SOBAB KITO ADO DUO MASOJIK JO TIGO SURAU ,MUSHOLA NAN AKTIF, IKO JUO MANJADI BUKTI DEK PAMANGKU ADAT DI JORONG TOBEK PANJANG ATEH KAROJO NAN LAI BAKAROJOAN,   YAITU MAMBAWO ANAK KAMANAKAN KA JALAN NAN ELOK SASUAI SYARAK NAN KITO PAKAI.

 

UNDANGAN LAINNYO UNDANGAN KAPADO PANGULU² KITO SAROTO PANGIRIANG BALIAU UNTUAK MAMARIAHKAN ACARA NASIONAL, SARUPO 17 AGUS, KARTINI, JO NANLAINNYO .

 

UNDANGAN BERIKUTNYO NAN PAROLU KIRO BUEK ADOLAH UNDANGAN UNTUAK PANGULU JO PANGIRIANG BALIAU SAROTO  SAMONDO BALIAU NAN ANAK JO KAMANAKAN BALIAU BALIAU KO SODANG MANOGAK AN ADAT JAHILIYAH, NAN BATONTANGAN JO ADAT BASANDI SYARAK NAN KITO PAKAI.

 

IKO UNTUAK BATANYO APOKOH KAJADIAN IKO OLAH BATOGAHAN, ATAU OLUN, ATAU INDAK TOLOK MANOGAHANNYO, OLAH KO BASORAHAN KA NAGORI UNTUAK MAHILANGKANNYO, SOBAB NAGORI KITO OLAH TAU URANG BANYAK TONTANG IKO, SAHINGGO NAGORI JO PANGULU JADI HINO DI MATO URANG BANYAK DI DALAM JO LUA NAGORI KITO KO.

 

LAIN DARI ITU NAN TAKILAM DI HATI SAROTO TOBIK DI KIRO KIRO AMBO TONTANG ADAT " DIMANO BUMI DI PIJAK DI SITU LANGIK DI JUJUANG"

 

IKO DEK BANYAK PANGULU KITO DI TOBEK PANJANG KO NAN KAUM BALIAU BARADO DI TOBEK PANJANG, TAPI GODANG BALIAU DI KOTO BARU. SAHARUSNYO BALIAU KO LAH GODANG DI TOBEK PANJANG ,TAPI KA IV SUKU KOTO BARU OLUN MA ANTA BALIAU KA TOBEK PANJANG, MA INGEK NAN SARUPO IKO . MAMAK KA OMPEK SUKU NAN BADUO , BAA NYO KITO RAIAH, KITO BAWO KA TOBEK PANJANG, SOBAB DEK ADAT , INDAK SALAH DEK PANGULU OLUN BAMINTAK OLAH BA AGIAH, TAPI NYATONYO OLAH PULUHAN TAHUN OLUN JUO BA ANTA KA TOBEK PANJANG, SAHINGGO KITO DI TOBEK PANJANG INDAK BISA MANDIRIAN, MALAKUAN SASUATU SASUAI ADAT NAN BAPAKAI DI KOTO BARU SIMALONGGANG, KOK PAROLU TANDO TANGAN SELURUH MASYARAKAT TOBEK PANJANG MOLAH KITO LAKUAN, TAPI ITU YO ATEH MANGGONTIANG PUTUH , MAMBIANG CABIAK YO MAMAK KA IV SUKU NAN BADUO , NAN KAMI MANGIKUK SAJO NYO.

 

LIMBAK NAN DARI ITU ADO NAN TAKUCUANG NAN PAROLU AMBO BUKAK MAK , DI AROK PUTIAK NAK JADI BUAH , NAN KA DIAROK BUAH DI AMBIAK PADO MASO NAN KA DATANG , IYOLAH TONTANG KADUDUK AN SANG SOKO DI LIMBAGO MAK, TONTANG KA IV SUKU SAMBILAN, KAKAU KA IV SUKU SAMBILAN TOTAP SARUPO IKO ,OLUN BATUKA JO NAN LAH GODANG DI BALERONG, MAKO BULEK SAGOLONG ,PICAK SALAYANG  NAN KA IV SUKU BADUO PUTUH AN , LOMAH DI MATO URANG BANYAK MAK , SOBAB DEK JOLEH ADO NAN INDAK TALOTAK DI TOMPEKNYO, URANG BANYAK TAU KA IV SUKU ADOLAH NAN PALIANG GODANG, PALIANG TINGGI ,TAPI DEK SUKU SAMBILAN BA PICIANGAN SAJO MATO ATEH HAL NAN SARUPO IKO, SAHINGGO LIMBAGO ADAT JORONG TOBEK PANJANG KO MIRIANG, DEK TOGAK INDAK SAMO TINGGI , DUDUAK NAN INDAK SAMO RONDAH ,

 

AMBO HERAN JO PANGULU NAN GODANG KA BALERONG NAN LAH BASUMPAH JO DARAH TASERAK, DAGIANG BASOPIAH , TANDUAK BAKUBUAN, NAK MAMAKAI ADAT, MAMALIHARO ANAK JO KAMANAKAN SAROTO PUSOKO JO TANAH ULAYAT KOTO BARU SIMALONGGANG, DEK OLUN JUO BAMINTAK KA DT.MAJO NAN KUNIANG NAN KITO TITIP AN SANG SOKO KA IV SUKU DEK INDAK ADO NAN MAMBAO , 6 TAHUN NAN SILAM 

 

SAROTO AMBO TAKJUB JO KA IV SUKU SAMBILAN MASIH KUEK NAK MAMAKAI SANG SOKO NAGORI , PADAHAL  PANGULU NAN BERHAK LAH ADO SAJAK SATAUN TIGO BULAN NAN LALU, MANURUK ADAT NAN BAPAKAI NAN MANGGONTIANG PUTUH MAMBIANG CABIAK ADOLAH KA IV SUKU, NAN LAH ABIH GODANGNYO. KALAU SARUPO IKO TORUH ADO HARAPAN ,SAMBILAN TOBEK PANJANG MASUAK KARUANG LAI MASUAK ETONGAN INDAK, SOBAB INDAK OMUAH MAMAKAI ADAT, MANURUK  JALAN NAN PASA, MANOMPUAH  LOBUAH GOLONG NAN BATURUK..DI KOTO BARU SIMALONGGANG, INDAK SALAH DEK PANGULU OLUN BAMINTAK OLAH BAAGIAH, LAIN DARI ITU SASUAI ADAT NAN BA PAKAI , SARAK MANGATO ADAT MAMAKAI, SARAK BABUHUA MATI , ADAT BABUHUA SINTAK, KOBEK LUNGGA INDAK OMUAH TANGGA , TIBO MASONYO LORAK SURANG..ONTAK INDAK BAITU DEK MAMAK NAN BASAMO.

 

HANYO ITU NAN TAKILAN  DI HATI MAK, NAN TOBIK DI KIRO² , SA OLUN BUNYI KA SUNI, KATO KABASUDAHI SASUAI PANTUN URANG AWAK JUO MAK, LUKO DEK PISAU LUKO NAMPAK BADARAH DARAH, DEK GOTAH BETADIN KA CEGAK JUO, TAPI LUKO DEK TAJAMNYO LIDAH , LUKO DILUA INDAK KANAMPAK AN TAPI HATI DI DALAM ROMUAK RODAM , CO KACO JATUAH KA BATU, POCAH DORAI BADORAI , ONTAH JO APO KA UBEK JO PANAWANYO, ONTAH PABILO MUSIM KA CEGAKNYO, BAK CANDO KAIN DALAM LIPEK MAK, LIPEK DILUA, INDAK MANGOSAN , RUPO DI DALAM CAYIA TIOK RAGI, KOK MANYIANG ATEH NAN TUMBUAH, MANIMBANG ATEH NAN ADO, KOK TUMBUAH NAN BAK ITU, DI HATI MAMAK PANGULU, JO HADIRIN, AMBO TIMBANG SASUAI SYARAK NAN MANGATO, AMBO SUSUN JARI NAN SAPULUAH, AMBO TAKUA KAPALO NAN SATU, MINTAK AMPUN AMBO KA ALLOH TUHAN NAN SATU, ATEH RUNDIANG NAN MANUMBUAH AN DOSO, MINTAK MOOH AMBO PADO MAMAK PANGULU KASADONYO, USAH DI PASOMPIK ALAM NAN LEBA, ASSALAMU'ALAIKUM, WR WBR, TARIMO KASIH.

 

Mancampak nan kaduo 

Mancampak nan katigo

Mancampak nan ka ompek

ADAT DALAM KESEHARIAN.

PSIKOLOGI

HARTA PUSAKA

CUPAK

Pituah ka nan mudo

ALUA PASOMBAHAN 

Martabat nan onam

NINIAK NAN BAROMPEK

Nan Ompek

8 SOBAB MAMBANGUN SOKO

FALSAFAH ADAT

ASAL TUAH

Tompek salah

LARANGAN NAN OMPEK

Cemo

SOMBAH ANDIKO.

PUCUAK TINGGI NAMPAK JAUAH.

TALI TIGO SAPILIN.

KEADAAN HUKUM DI MINANG.

NAGORI KOTO BARU SIMALANGGANG.

wEB SITE NAGARI KOTO BARU SIMALANGGANG.

AHLUS SUNNAH WAL JAMAAH Dan bedanya dengan MUK TAZILAH

Penulis blog ini

Usaha Penulis.

SARAN PENULIS

SEKIAN TERIMA KASIH .

Kembali ke Google.